呃錢Post

90%內容都係抄返上2個月既文, 是為呃錢post:

2月28日 - "牛3 大機會已完結"
"牛3喺咁既情況下完結，既無煙花，亦無人大創傷，實在不解。最近大公司既業績更係不錯，令我更加不解。但我尊重二月份呢支大陰燭，恒指前面既路，唔係咁易行了。"

3月14日 - "業績期觀察"
"先講少少沽期指現況, 30880開倉, 殺到29800都無平倉, 跟住比29800->31700反彈搞到亂曬龍。捱價中，中間進進出出輸緊大約500點。但牛3大機會已完睇法暫時未變。"

3月29日 - "再見了2018年第一季"
"完全估唔到危機係邊個位。貿戰似係表面原因而已，似乎係美息升既後遺症慢慢浮現。"

4月5日 - "業績期觀察 - 三"
"既然食唔到, 惟有阿Q精神再睇下恒指點走啦，我唔認為上得返30500。但中間反覆, 第三張期指係有危險的。"

4月9日 - "淡友 Panic Mode"
"牛轉熊都幾肯定，中間策略先係緊要既地方。簡單啲揸cash, 等半年後再入股海，未嘗不可。"

4月17日 - "跌市中怒玩懷舊經典Game"
"恒指來來回回左咁多轉, 其實大家有點麻木了。市場好可能借住大家既麻木黎個突襲, 又或者再黎一次來回令大家徹底停止思考......

緊要事情再重覆, 牛轉熊好大機會了, 中間轉折Tricky無得估, 有淡倉有現金最好。"

4月20日 - "比起股市 樓市仍穩陣"
"沽期方面, 悶出鳥來, 貼市炒家應該飽吃驚風散。日起日跌, 甚至單日轉向幾次, 頭都暈。牛市有咁樣調整的嗎......?"

4月25日 - "莫貪小便宜"
"做期指時, 坐實個大位, 睇定牛轉熊, 中間仍然要貪上落嗰幾百點波幅。幾百點唔係小便宜, 但比起牛轉熊黎講就係小便宜"

******
呢啲位, 真係要提醒自己莫手痕。撈底係高難度動作，我唔排除黎緊幾日就有反彈，而且係強度有機會屬於熊2反彈 (但唔係) 咁既力度, 到時一定手痕到爆，但一日未解除2 (甚至3?) 支月線大陰燭呢個危機, 我一日都會保守。

我唔識time the market, 80%時間 time the market 都係錯誤的, 我只係知上年升左50%, 今年保守少少都係應該的。