淡友 Panic Mode

雖然我個blog 總共只得800 人睇過 (其中應有400係自己睇黎自high). 但因為之前寫左沽期，怕有任何一位讀者儍更更咁跟左一齊做高風險淡友，係度講返清楚:

1. 我收息股倉90%持股的，1-2張小期完全可以當hedging 咁用。

2. 我開淡倉係3月1號, 由30800 水平開始做的, 中間捱左500幾點, 一路揸實, 第二張都係30800左右沽。第三張淡倉開喺30050左右, 但中間有做走位等，所以就算今日恒指升到上30500, 我個淡倉係重有profit 的。大家如果開既位唔靚，請小心風險。

3. 我之前亦講過All or nothing, 個nothing 唔係指輸清光，係平手離場。

4. 我仍然認定牛3已經完結，但牛轉熊可以係一個好Tricky 既轉折。恒指照依家睇絶對係會彈高彈低玩死所有人先插落。大家要小心黎明前既黑暗，明天很美好，但通常倒了在今晚。

5. 我既網誌係記錄自己操作同埋分析，不構成投資建議呀，投資有升有跌，請小心風險。

6. 現時操作，30100左右平左2張淡倉，賺500點 (少左好多 T_T)，現得返一張小期，會等反彈到31000再沽過。如果繼續插落，29800樓下先開下一張淡倉。

7. 之前亦講過，發達係買收息股或藍籌比較容易。沽期係困身及好講機遇既操作，我認為今次係好機遇，所以會放時間心機落去。如果你根本無時間精力，不應「中」個頭落去。

8. 牛轉熊都幾肯定，中間策略先係緊要既地方。簡單啲揸cash, 等半年後再入股海，未嘗不可。

***4月10日下午 30730開返第二張期, 2日走到位成500點, 袋住先了

****4月11日開市 30880開返第三張期, 又回到最初的起點, 呢轉走位都算可以, 差不多700點，重係傷心緊上星期三晚無平個靚位...