跌市中怒玩懷舊經典Game

說來慚愧, 人地小子blog 主一星期睇幾本書, 我最近本區塊鏈革命又未睇曬, 寫APP 既書又拋低左，反而打起機黎，重玩到樂而忘返，有次等小兒凌晨4點幾食完奶後直接打機打天光，哈哈!

雖然喪志, 不過幾開心，有時咁樣既生活重温下細個時光，其實幾美好。

最近玩返勇者鬥惡龍5 (DQ5 IOS版), 真係不得了, 故事非常精彩, 1992年既遊戲, 重製後仍然好好玩。老實說, 依家好多game 都係畫面行先, 遊戲編劇都唔知去左邊......DQ5 故仔由阿爺父子三代故事串合埋一齊, 當小說睇都唔錯。以前打超任完全唔識日文, 依家可以中文字幕咁睇返好鬼感動呀!!

中間揀新娘既情節, 以20年前遊戲來說, 絶對係超有創意。3個老婆各有各好, 揀時其實幾"dum"心, 揀完後其餘2位就只能做陌路人了。

當然, 練工打怪升級呢啲野少不了，不過唔知係咪IOS 版調過難度, 感覺上唔洗點練就爆到機。比起以前超任既DQ 容易好多。都係好事, 令玩家可以focus 返個劇情, 更加有趣。

30 小時就爆到機了，但玩佢其他啲捉怪物同大富翁小遊戲反而重花時間, 我重喺度努力捉緊隻偉大金龍 (好想滿足返細個捉唔到既遺憾 哈哈)......呢個捉怪遊戲應該係pokemon 既前身.......

*************
沽期方面, 無咩野做... 坐定定等市跌。今朝嘗試走過位, 但走唔得好, 唔緊要, 好似打機咁, 有啲耐性慢慢玩。

恒指來來回回左咁多轉, 其實大家有點麻木了。市場好可能借住大家既麻木黎個突襲, 又或者再黎一次來回令大家徹底停止思考......

緊要事情再重覆, 牛轉熊好大機會了, 中間轉折Tricky無得估, 有淡倉有現金最好。

PS 寫完篇文, 恒指又無左300點... 大家戴好安全帶!