莫貪小便宜

香港人很多時候計到好盡，一分錢一斤菜一份人情......因為上一代教落，小富由儉，大富由天。

呢種態度，好多時係岩的，但好多人到最後變成貪小便宜，包括我自己。

貪小便宜例子，睇下你中唔中:

1. 為左book 平價機票, 等下等下原來嗰段時間啲廉航都差唔多full 曬

2. 為左拎網上優惠, 開左幾個分身account, 到最後慳了$200, 但勁難manage, 及浪費左幾小時時間

3. 嫌三嫌四, 買樓買車位買禮物時呢樣又太貴, 呢樣又太平無面, 個業主又還個幾萬蚊價, 個店員又唔肯比8折，到最後樓同車位升左100%, 到最後反而買左樣唔滿意的禮物或用品

4. 炒股時有得賺, 賣出時差2毫唔肯放, 一個浪湧埋黎, 減多1蚊都無人要

5. 做期指時, 坐實個大位, 睇定牛轉熊, 中間仍然要貪上落嗰幾百點波幅。幾百點唔係小便宜, 但比起牛轉熊黎講就係小便宜

6. 買一盤生意，以為對家比平少少執到寶，點知之後啲合約管理等等全部出問題。

7. 揾老婆/老公時，為左另一半的財產、人脈、甚至只係穩定職業，放棄左真正喜歡既人。

仲有冇其他例子你諗到?

以上所見，小便宜係一個相對的概念，事情愈大件，小便宜就算係幾萬蚊, 都唔應該去貪，有啲小便宜係可以害你一生。

莫因小失大。