時日怱怱，咁快到三月底。
股市
恒指連續兩個月陰燭，我認為牛3鐵定已經完結，之後進入有反彈無突破的時段。已在30880 沽左第二張期指。第一張之前捱左成半個月價，呢一個星期就返返曬黎，就睇下四月恒指會跌到去邊。
完全估唔到危機係邊個位。貿戰似係表面原因而已，似乎係美息升既後遺症慢慢浮現。
業績期觀察系列下篇再繼續寫。
樓市
香港:
岩岩CCL 又升0.5%, 大型單位仲要升左4.8%...... 我係既得利益者都想講句係咪痴左線。供應唔似會急劇增加，利息唔似會急升(每年升0.5% 大家都承受到)，需求唔似會緩和，因為太多需求係前幾年一路積落黎，睇黎真係要有外星人攻擊香港先打得冧樓市。
仍然係嗰句，自住剛需點都要買。投資計過數3%樓下就咪搞我了，槓杆埋先得6%，水位對我黎講唔太夠。
日本:
攞曬太太批準，下季等股市塵埃落定埋就向世界出發了! 如果萬一股市崩盤，香港樓市中埋招咁會再作打算，始終日本樓唔係必要的投資物。
日元猛咁升，唔知咩世界，加息美元港元跌... R曬頭。
虎門:
最近大陸樓市嚴控下麻麻地，慢慢等緊第三季高鐵開通，下年年中虎門二橋開通。依家收住租無咩特別。不過人仔急升係意想不到的回報。借港紙收人仔，無心插柳既完美操作。有啲運仔。
小孩
咁快半歲大，識坐識翻身好過癮。煩緊夜晚要同佢講咩故仔。經濟等係我強項，睇小說漫畫等係我興趣，但一講到兒童讀物就想瞓著........ 點算?
掘礦
應該係經歷緊汰弱留強既階段，陸續會有礦場頂唔順執笠，然後自然地難度下降，令回報去返一個合理水平。繼續等待礦場執笠既新聞。策略不變，一路掘礦，一路低位買點btc，控制好注碼。
2018年3月29日 星期四
2018年3月20日 星期二
業績期觀察 - 二
又寫返幾句沽期，恒指今朝上破31798，非常令我驚訝，今早平左淡倉，沽期行動以失敗告終，成個行動輸左800點。輸錢當然唔高興, 不過我唔後悔今次沽期行動。
今次我覺得係非常大機會爆發股災，而要贏到足以改變人生既財富亦係不可多得既機會，用1萬蚊搏呢個機會, 我覺得值。但人算不如天算，都無辦法。
收息倉90%持股, 呢1萬蚊就當係幫收息倉做hedging, 咁諗可能會舒服啲, 阿Q精神, 哈哈
不過恒指未脫離危險期，個人會喺32400 再開4月淡倉一次，如果真係會到的話。
收息倉仍然不變90%持股。炒倉日內會加返到50-60%左右。
***尾市開返淡倉, 希望唔好左一巴右一巴... 打到變豬頭...
SOHO
SOHO 的業績好多人諗得太複雜。其實就係收租純利12億。下年下下年應會自動分配每年10%增長咁增加租金收入。
佢模擬REIT 咁派8成都係每年每股派RMB0.192左右，換返港紙0.236, 5%計SOHO 值4.7, 6%計值3.9。現價PB 0.6。高價買SOHO的比佢年年賣樓特別息養大左個胃口/坤左，但實際$4左右的SOHO 作為收息股還是很不錯的。
只要佢唔係今天開始玩財技, 變身OT 一路唔派息向下炒就可以了。
上半年其實共派左差不多1蚊, 今天對於口袋裏得30-40億既SOHO 黎講已係石頭爆不出血了，除非繼續賣產啦。但其實我覺得賣夠了, 連剩下的核心資產都賣的話我真係要賣出410。
加返未來幾年預測, 分拆coworking space, 繼續起野賣野, 順道提升租值。可能3年有1年有特別息, 其餘有5厘幾, 之後變成純REIT 模式。
川河
川河同SOHO情況有點相似, 其實已將所賺全數派出。湯臣派息嗰部份好少有現金真正落袋，本身湯臣財政都麻麻, 以股代息對雙方都是好事。派每股0.045現價有7.5厘, 派息望落要持續不難。0.6我加左啲川河。
未來繼續現有模式, 直至湯臣有餘錢...... 或者會比現金買湯臣啲野, 或者出錢發展澳門地，比較難估，但大機會派息不穩定，如果低過6厘的確可換馬。
Prada 廠
廠佬轉型做零售通常沒有好結果, 以前既聯亞仍瀝瀝在目。暫時時代既零售純利佔比10%左右，存貨周轉正常，擴張亦唔算太急速，睇下會唔會成為我見証既第一間成功轉型既廠家。
半年純利1.45億, 全年可達2.9億。暫時一年派息0.12, 大約1.2億，現金維持喺5.4億，即無咩能力加大派息了，好難返到以往高峰每年賺5億派2.5億既日子了。
現價PE 6, 息率7%, 不高不低，正常。密切睇實幾個零售品牌發展，如發生重估咁就唔同講法。
未來零售應繼續有增長, 過幾年去到佔比30%左右, 成盤生意去返正常共賺4億派2億, 極限價值應在$3.5左右。如果零售PK左就後話。
PS 未來嗰啲純粹係諗下, 但有必要估, 因為買公司係想同佢一齊成長, 如果隻pokemon 成長路線同你諗既唔同, 就唔洗特別養佢了。
今次我覺得係非常大機會爆發股災，而要贏到足以改變人生既財富亦係不可多得既機會，用1萬蚊搏呢個機會, 我覺得值。但人算不如天算，都無辦法。
收息倉90%持股, 呢1萬蚊就當係幫收息倉做hedging, 咁諗可能會舒服啲, 阿Q精神, 哈哈
不過恒指未脫離危險期，個人會喺32400 再開4月淡倉一次，如果真係會到的話。
收息倉仍然不變90%持股。炒倉日內會加返到50-60%左右。
***尾市開返淡倉, 希望唔好左一巴右一巴... 打到變豬頭...
SOHO
SOHO 的業績好多人諗得太複雜。其實就係收租純利12億。下年下下年應會自動分配每年10%增長咁增加租金收入。
佢模擬REIT 咁派8成都係每年每股派RMB0.192左右，換返港紙0.236, 5%計SOHO 值4.7, 6%計值3.9。現價PB 0.6。高價買SOHO的比佢年年賣樓特別息養大左個胃口/坤左，但實際$4左右的SOHO 作為收息股還是很不錯的。
只要佢唔係今天開始玩財技, 變身OT 一路唔派息向下炒就可以了。
上半年其實共派左差不多1蚊, 今天對於口袋裏得30-40億既SOHO 黎講已係石頭爆不出血了，除非繼續賣產啦。但其實我覺得賣夠了, 連剩下的核心資產都賣的話我真係要賣出410。
加返未來幾年預測, 分拆coworking space, 繼續起野賣野, 順道提升租值。可能3年有1年有特別息, 其餘有5厘幾, 之後變成純REIT 模式。
川河
川河同SOHO情況有點相似, 其實已將所賺全數派出。湯臣派息嗰部份好少有現金真正落袋，本身湯臣財政都麻麻, 以股代息對雙方都是好事。派每股0.045現價有7.5厘, 派息望落要持續不難。0.6我加左啲川河。
未來繼續現有模式, 直至湯臣有餘錢...... 或者會比現金買湯臣啲野, 或者出錢發展澳門地，比較難估，但大機會派息不穩定，如果低過6厘的確可換馬。
Prada 廠
廠佬轉型做零售通常沒有好結果, 以前既聯亞仍瀝瀝在目。暫時時代既零售純利佔比10%左右，存貨周轉正常，擴張亦唔算太急速，睇下會唔會成為我見証既第一間成功轉型既廠家。
半年純利1.45億, 全年可達2.9億。暫時一年派息0.12, 大約1.2億，現金維持喺5.4億，即無咩能力加大派息了，好難返到以往高峰每年賺5億派2.5億既日子了。
現價PE 6, 息率7%, 不高不低，正常。密切睇實幾個零售品牌發展，如發生重估咁就唔同講法。
未來零售應繼續有增長, 過幾年去到佔比30%左右, 成盤生意去返正常共賺4億派2億, 極限價值應在$3.5左右。如果零售PK左就後話。
PS 未來嗰啲純粹係諗下, 但有必要估, 因為買公司係想同佢一齊成長, 如果隻pokemon 成長路線同你諗既唔同, 就唔洗特別養佢了。
2018年3月14日 星期三
屈機美斯 vs 極限C朗 的得著
由2005年睇住美斯第一場西甲接應朗拿甸奴挑傳, 然後好似好輕鬆咁笠過龍門(2次)開始, 今年已經第13年睇佢踢波。
基本上, 佢唔係人。未退役，已將所有足球界紀錄推前一大截。呢種破紀錄, 如果用跑步黎比喻，就係突然將WR 由9.58秒推前到9秒咁恐怖。
尋晚，60分鐘內射穿高爾圖斯大細龍2次，睇到 O 曬咀。正如享利所說，如果美斯想的話 (呢度要加埋體力足夠)，佢可以過曬你全隊然後得分。屈機。
今年，真心希望美斯可以帶領阿根廷奪得世界杯，令我地呢代人出一個實至名歸既球王。
另一邊既C朗，我亦極為欣賞。強壯，勤力，快，射術好，騰空強。C朗係人，但佢演繹左點樣先可以追近同「不是人」的距離，就係不懈既努力，永遠既鬥心，無窮既信心，嘗試超越極限。
有邊個諗到C朗可以追到同美斯一樣數量的金球獎, 另外重要加個歐國杯?
面對困難時，應該要學習C朗的態度，就算波底麻麻，年齡開始大，都憑住生日都做gym 既鬥心對抗歲月的殘酷, 以及美斯呢個外星人。大家有冇嘗試稍為推前自己極限?
2位絶代雙驕，另一樣野值得我地學習係，假想敵。講真，無C朗, 美斯既天份未必可以挖掘到咁盡。無美斯，C朗更加一早就去玩下女人算了。有假想敵互相砥礪，互相進步，絶對係一生最重要既事。
如果你發現已超越現階段既假想敵，生活變得平淡，請儘快揾出下一階段的假想敵。當然啦, 如果承受到, 假想敵可以係Steve jobs, 巴菲特，正常情況下大家諗都唔敢諗 XD...
美斯 VS C朗，今年好可能係整套劇既最終幕了，感謝這個時代有佢地2位，且看且珍惜。
PS 叉開一句，之前傑志盧均宜亞冠輸後講左句: 「雖然輸了6球，但我們預了輸，我們輸得起，這是好事。」雖然有點斷章取意，但實在un 耳，就算99%會輸，運動員都要諗辦法贏，唔好教壞細路。
基本上, 佢唔係人。未退役，已將所有足球界紀錄推前一大截。呢種破紀錄, 如果用跑步黎比喻，就係突然將WR 由9.58秒推前到9秒咁恐怖。
尋晚，60分鐘內射穿高爾圖斯大細龍2次，睇到 O 曬咀。正如享利所說，如果美斯想的話 (呢度要加埋體力足夠)，佢可以過曬你全隊然後得分。屈機。
今年，真心希望美斯可以帶領阿根廷奪得世界杯，令我地呢代人出一個實至名歸既球王。
另一邊既C朗，我亦極為欣賞。強壯，勤力，快，射術好，騰空強。C朗係人，但佢演繹左點樣先可以追近同「不是人」的距離，就係不懈既努力，永遠既鬥心，無窮既信心，嘗試超越極限。
有邊個諗到C朗可以追到同美斯一樣數量的金球獎, 另外重要加個歐國杯?
面對困難時，應該要學習C朗的態度，就算波底麻麻，年齡開始大，都憑住生日都做gym 既鬥心對抗歲月的殘酷, 以及美斯呢個外星人。大家有冇嘗試稍為推前自己極限?
2位絶代雙驕，另一樣野值得我地學習係，假想敵。講真，無C朗, 美斯既天份未必可以挖掘到咁盡。無美斯，C朗更加一早就去玩下女人算了。有假想敵互相砥礪，互相進步，絶對係一生最重要既事。
如果你發現已超越現階段既假想敵，生活變得平淡，請儘快揾出下一階段的假想敵。當然啦, 如果承受到, 假想敵可以係Steve jobs, 巴菲特，正常情況下大家諗都唔敢諗 XD...
美斯 VS C朗，今年好可能係整套劇既最終幕了，感謝這個時代有佢地2位，且看且珍惜。
PS 叉開一句，之前傑志盧均宜亞冠輸後講左句: 「雖然輸了6球，但我們預了輸，我們輸得起，這是好事。」雖然有點斷章取意，但實在un 耳，就算99%會輸，運動員都要諗辦法贏，唔好教壞細路。
業績期觀察
先講少少沽期指現況, 30880開倉, 殺到29800都無平倉, 跟住比29800->31700反彈搞到亂曬龍。捱價中，中間進進出出輸緊大約500點。但牛3大機會已完睇法暫時未變。
業績期股講少少:
1. 港鐵 - 好多人以為港鐵係賺車票或者上蓋商場, 但其實港鐵既站內商鋪先係金礦......有興趣大家去睇下究竟細細間7-11或者美心係幾咁賺錢。不過仍然係嗰句, 港鐵有特別息就好玩, 依家貴夾無息, 唔好搞我。
2. 國泰 - 岩岩睇完，2017年下半年賺7億，好過我預期了。2019就完燃油對沖, 國泰應該可以返返正軌。不望爆升, 香港品牌, 重新振作就好了。說來太古應該少左個業務拖後腿, 亦係見底回升階段了吧?
3. 610 惠記 - 受惠路勁強勁增長，增派息，無得輸。買入價黎講岩岩好10厘股了，很是滿意。如果升過$5.5, 又唔見路勁再有咩突破, 開始要諗食糊問題了。路勁已沽清全部換成610。組合第二大收息股。
4. 新地 - 好可怕, 呢間公司收租物業部份好恐佈。每年170億淨租金收入，以4%計，呢部份4200億市值，5%計值3400億。賣樓部份基本係送的。負債10%, 仲低過你同我。大跌市時都唔洗點諗, 息率如果去到5%, 成副身家撲落去。
5. 滙賢 - 今年業績全面反映營改增的影響，以及奇怪的房租稅撥備影響北京東方廣場收入，但整體來說每基金分派金額只微跌2.7%, 反映滙賢管理層既手段。
新買2間酒店短期內仍當係同阿媽買垃圾, 但長期黎講大陸酒店營運回報應會提高, 到時再慢慢還債。估計黎緊2年滙賢只會維持等同於無的增長, 但現價仍有8.1%, 加埋人仔升值，分散少少港元弱勢風險。仍然係組合中鐵打主力。
6. MGCC - 1月出左3Q數, 一切如常, 惟一唔好就係股價升太快, 變成得6%。又一城受惠香港零售復甦，Gateway plaza 北京寫字樓供不應求，不過黎緊國貿有大項目可能會拖低租金一陣。最差係上海business park 了，但持平應該不難。MGCC 黎緊可能在日本會有新收購，舉腳贊成。組合第3大主力。
打字打到想嘔，同埋最近有點網球手，下會見。
業績期股講少少:
1. 港鐵 - 好多人以為港鐵係賺車票或者上蓋商場, 但其實港鐵既站內商鋪先係金礦......有興趣大家去睇下究竟細細間7-11或者美心係幾咁賺錢。不過仍然係嗰句, 港鐵有特別息就好玩, 依家貴夾無息, 唔好搞我。
2. 國泰 - 岩岩睇完，2017年下半年賺7億，好過我預期了。2019就完燃油對沖, 國泰應該可以返返正軌。不望爆升, 香港品牌, 重新振作就好了。說來太古應該少左個業務拖後腿, 亦係見底回升階段了吧?
3. 610 惠記 - 受惠路勁強勁增長，增派息，無得輸。買入價黎講岩岩好10厘股了，很是滿意。如果升過$5.5, 又唔見路勁再有咩突破, 開始要諗食糊問題了。路勁已沽清全部換成610。組合第二大收息股。
4. 新地 - 好可怕, 呢間公司收租物業部份好恐佈。每年170億淨租金收入，以4%計，呢部份4200億市值，5%計值3400億。賣樓部份基本係送的。負債10%, 仲低過你同我。大跌市時都唔洗點諗, 息率如果去到5%, 成副身家撲落去。
5. 滙賢 - 今年業績全面反映營改增的影響，以及奇怪的房租稅撥備影響北京東方廣場收入，但整體來說每基金分派金額只微跌2.7%, 反映滙賢管理層既手段。
新買2間酒店短期內仍當係同阿媽買垃圾, 但長期黎講大陸酒店營運回報應會提高, 到時再慢慢還債。估計黎緊2年滙賢只會維持等同於無的增長, 但現價仍有8.1%, 加埋人仔升值，分散少少港元弱勢風險。仍然係組合中鐵打主力。
6. MGCC - 1月出左3Q數, 一切如常, 惟一唔好就係股價升太快, 變成得6%。又一城受惠香港零售復甦，Gateway plaza 北京寫字樓供不應求，不過黎緊國貿有大項目可能會拖低租金一陣。最差係上海business park 了，但持平應該不難。MGCC 黎緊可能在日本會有新收購，舉腳贊成。組合第3大主力。
打字打到想嘔，同埋最近有點網球手，下會見。
2018年2月28日 星期三
牛3 大機會已完結
之前話牛3重有機會資助我買日本樓，隨著2月份的一支月線大陰燭，呢個希望越黎越細了......
呢2個星期不停作出搏反彈的動作，包括買入牛証(但莊家開價太不公平了), 買細期, 2828, 加埋之前一路持有既1055, 1558等, 回報都還可以, 不過玩到提心吊膽就是了......
隨著2月份的一支月線大陰燭，我正式加入淡友陣營，尋日落指令將剩下的MPF 都轉到保守基金，同埋沽細期。
牛3喺咁既情況下完結，既無煙花，亦無人大創傷，實在不解。最近大公司既業績更係不錯，令我更加不解。但我尊重二月份呢支大陰燭，恒指前面既路，唔係咁易行了。
以下沽期技巧探討。
利申: 個人認為，沽期賺返357萬係唔困難，但要發達, 長揸優質股, 儲派息股應該更簡單。關鍵係個銀碼大小。有幾多人夠膽沽幾張大期? 沽1張大期都手心冒汗, 心跳加速, 精神不能集中了。
你揸派息股可以用埋槓桿都笑笑口過日子，揸優質藍籌屋苑更係有咁多, 借咁多。你試下借貸沽期，好快IFC天台見。
我都只係初哥，以下10招，純粹作個紀錄:
1. 大勢要好肯定係會下跌先沽期, 睇錯大勢, 死緊
2. 既然大勢要跌, 目標食既波幅應該要係1000-2000或以上, 成日諗住50-100點就進進出出, 死緊
3. 股票可以玩追貨，但沽期一定要set 定喺反彈高點黎沽, 追沽而被夾返轉頭, 死緊
4. 如大市不似預期, 掉轉頭升高過圖表的阻力位 (正常為沽貨點), 可預留80點空間止蝕。再升高點時再沽過。大勢如無捉錯, 呢種每次輸80點的入市成本係有需要的
5. 經常intraday 或隔日會有2-400點的利潤可食, 但心理上一定要無視，因為好快就會chok 到無左。如果經常考慮miss 左2-400點，心理壓力會非常大。心理一亂, 死緊
6. 點解2-400點唔食? 因為你沽期好多時都死緊, 喺咁高風險之下, 睇既回報一定要過1000點，否則唔應該玩期指。同埋一食後, 佢升返更靚既位比你沽就當然好, 一口氣直接插落, 你就被逼追沽, 死緊。
(呢度有個心理關口一定要捱過, 就係all or nothing. 唔好諗住密食當三番。估中大勢下沽期, 一係就大賺, 一係就輸每次進場80點費用，夾埋可能最多輸400點咁。)
7. 沽期只有好特別既時間點先可玩, 例如牛轉熊先玩到一次。成日忍唔住賭下, 死緊
8. 如果個大勢中左，第二張期指入市時間用返3既方式。疊沽期指從而放大盈利。
9. 最難, 假設恒指由32000跌到28000，我由31000開始沽，大約1000點加一張，即係3張分別食3000點, 2000點及1000點。到28000時, 利潤已經非常不錯, 但到時就會覺得牛轉熊一定會跌到25000以下，放是不停加沽, 心雄發啦~~~~!!! 市況一反彈，由大贏變小勝甚至倒輸，心理亂曬，又係死緊。
10. 個人認為2-400點無視, 但個利潤都滾存到成2-4000點時，係要諗食糊的。沽期指非常費神，戰線一拉長，期間有反彈，有政府救市，好多市場噪音，令你心慌。死緊。
呢2個星期不停作出搏反彈的動作，包括買入牛証(但莊家開價太不公平了), 買細期, 2828, 加埋之前一路持有既1055, 1558等, 回報都還可以, 不過玩到提心吊膽就是了......
隨著2月份的一支月線大陰燭，我正式加入淡友陣營，尋日落指令將剩下的MPF 都轉到保守基金，同埋沽細期。
牛3喺咁既情況下完結，既無煙花，亦無人大創傷，實在不解。最近大公司既業績更係不錯，令我更加不解。但我尊重二月份呢支大陰燭，恒指前面既路，唔係咁易行了。
以下沽期技巧探討。
利申: 個人認為，沽期賺返357萬係唔困難，但要發達, 長揸優質股, 儲派息股應該更簡單。關鍵係個銀碼大小。有幾多人夠膽沽幾張大期? 沽1張大期都手心冒汗, 心跳加速, 精神不能集中了。
你揸派息股可以用埋槓桿都笑笑口過日子，揸優質藍籌屋苑更係有咁多, 借咁多。你試下借貸沽期，好快IFC天台見。
我都只係初哥，以下10招，純粹作個紀錄:
1. 大勢要好肯定係會下跌先沽期, 睇錯大勢, 死緊
2. 既然大勢要跌, 目標食既波幅應該要係1000-2000或以上, 成日諗住50-100點就進進出出, 死緊
3. 股票可以玩追貨，但沽期一定要set 定喺反彈高點黎沽, 追沽而被夾返轉頭, 死緊
4. 如大市不似預期, 掉轉頭升高過圖表的阻力位 (正常為沽貨點), 可預留80點空間止蝕。再升高點時再沽過。大勢如無捉錯, 呢種每次輸80點的入市成本係有需要的
5. 經常intraday 或隔日會有2-400點的利潤可食, 但心理上一定要無視，因為好快就會chok 到無左。如果經常考慮miss 左2-400點，心理壓力會非常大。心理一亂, 死緊
6. 點解2-400點唔食? 因為你沽期好多時都死緊, 喺咁高風險之下, 睇既回報一定要過1000點，否則唔應該玩期指。同埋一食後, 佢升返更靚既位比你沽就當然好, 一口氣直接插落, 你就被逼追沽, 死緊。
(呢度有個心理關口一定要捱過, 就係all or nothing. 唔好諗住密食當三番。估中大勢下沽期, 一係就大賺, 一係就輸每次進場80點費用，夾埋可能最多輸400點咁。)
7. 沽期只有好特別既時間點先可玩, 例如牛轉熊先玩到一次。成日忍唔住賭下, 死緊
8. 如果個大勢中左，第二張期指入市時間用返3既方式。疊沽期指從而放大盈利。
9. 最難, 假設恒指由32000跌到28000，我由31000開始沽，大約1000點加一張，即係3張分別食3000點, 2000點及1000點。到28000時, 利潤已經非常不錯, 但到時就會覺得牛轉熊一定會跌到25000以下，放是不停加沽, 心雄發啦~~~~!!! 市況一反彈，由大贏變小勝甚至倒輸，心理亂曬，又係死緊。
10. 個人認為2-400點無視, 但個利潤都滾存到成2-4000點時，係要諗食糊的。沽期指非常費神，戰線一拉長，期間有反彈，有政府救市，好多市場噪音，令你心慌。死緊。
2018年2月20日 星期二
2018年2月13日 星期二
究竟美國加息通漲縮表怎麼了?
簡單寫幾句美國情況(最後又一篇長文)。美國最近做緊好幾樣大動作，老實說，Trump 係痴線，但行動力真係好強。
1. 聯儲局縮表，即由得到期的國債或MBS 到期，不再續期，問美政府攞返現金，係停印銀紙的行為。香港報章好似都無跟進縮表進度......
2. 印銀紙進度，正常黎講，縮表會減少貨幣供應，但正常經濟有增長下，貨幣亦會有增長。所以總額上銀紙仍在增加。就好似中國無特登大印銀紙，但每年經濟增長6%，貨幣亦會最少相應增長6%。
3. 發債，Trump 公佈花錢大計，基建國防等等開支不會讓它停下來。政府要錢的方法就是發多些債，債息上升，債價下跌。
4. 加息，其實就算不刻意加息，因為聯儲局不續國債，收回買債的錢，如果債券數量不減少，利率仍會繼續抽升。所以每一日其實都在加息環境中。加上3的情況，可以預見債息仍會上升。
5. 減稅，Trump 如意算盤係減稅有助增加企業盈利，亦令該些企業有錢買國債/其他政府債支持美國基建。美國公司會抽走部份(如非全部)海外資金返美國，派息或買債。
6. 美元弱，呢樣野係最諗唔明。對美國有利係弱美元之下，海外資金換回美金時會賺到匯兌收益。可能美元仍會弱一段時間，到海外資金全部回國，買好曬國內債券時，美金會突然轉強。到時全世界要搶美金搶高息債券。
如果上面所有野都如Trump 所想，美國企業減稅下盈利大升，股市向上，美國大興土木搞基建，人工加幅上升，全民就業，海外資金萬劍歸宗，美債轉為高息，美金轉強，全球再以美國馬首是瞻。美債息高企，全球低回報資產PK，美元轉強，美金計價資產要跌價(除非有極強需求)。
Trump 一臉樣衰又痴線，但如果佢可以做到上述幾點，將一躍成為美國史上其中一位最出色既總統。所以美國股市下滑Trump 咁緊張，幾個策略環環相扣，股市大跌下有機會阻礙其他行動。
今年喺呢個背景下，投資要非常小心:
美股市: 喺上述條件下，政府唔想美股大跌，但債息上升過快下，以及QE泡沫下拆倉都有機令股市大調整甚至入熊。好矛盾，但真係發生緊。如果股市入熊, 無傷到經濟元氣，縮表加息強美元應該會繼續正常推進。
A股: 無產生大牛，中央極度關注槓桿問題, 以及嚴防走資，應該係全世界最封閉及今年最安全的股市。唔踩中地雷就OK。
港股市: 比美國狂抽水走，而喺美債息上升之下，資產要求提高，波動市免不了，甚至係跟隨美股進入熊市。低息高債REIT 開始要小心。
港樓市︰需求極為強大，緩慢加息下照理不會點跌。背景係加息到2.5%, 美元上漲下通漲保持2.5%, 剛好係一個balance 狀態，同前幾年的實質負利率環璄有點不同。大升難點, 不過1000萬樓升5%都有50萬, 加埋leverage 咁就500萬賺50萬。仍然係令人O咀狀態。
大陸樓市: 1線城市平穩, 3-4線城市繼續唔洗睇。要留意既係1線城市週邊啲2線，會好似香港發展沙田荃灣咁慢慢跟上。受美國大動作影響細。
日本樓市: 日本經濟好轉中，抽走美元似乎對日本樓影響相對細。yen 暫時強勁，睇下之後美元會否突然轉強，否則日本樓在yen 上升及需求平穩中會緩緩前進。
比特幣: 暫時覺得會特立獨行。
以上只係宏觀經濟的梳理，根據經驗通常都錯 XD，我既投資決定亦好需要micro 咁逐單deal 計算，所以以上為得個知字啦。
1. 聯儲局縮表，即由得到期的國債或MBS 到期，不再續期，問美政府攞返現金，係停印銀紙的行為。香港報章好似都無跟進縮表進度......
2. 印銀紙進度，正常黎講，縮表會減少貨幣供應，但正常經濟有增長下，貨幣亦會有增長。所以總額上銀紙仍在增加。就好似中國無特登大印銀紙，但每年經濟增長6%，貨幣亦會最少相應增長6%。
3. 發債，Trump 公佈花錢大計，基建國防等等開支不會讓它停下來。政府要錢的方法就是發多些債，債息上升，債價下跌。
4. 加息，其實就算不刻意加息，因為聯儲局不續國債，收回買債的錢，如果債券數量不減少，利率仍會繼續抽升。所以每一日其實都在加息環境中。加上3的情況，可以預見債息仍會上升。
5. 減稅，Trump 如意算盤係減稅有助增加企業盈利，亦令該些企業有錢買國債/其他政府債支持美國基建。美國公司會抽走部份(如非全部)海外資金返美國，派息或買債。
6. 美元弱，呢樣野係最諗唔明。對美國有利係弱美元之下，海外資金換回美金時會賺到匯兌收益。可能美元仍會弱一段時間，到海外資金全部回國，買好曬國內債券時，美金會突然轉強。到時全世界要搶美金搶高息債券。
如果上面所有野都如Trump 所想，美國企業減稅下盈利大升，股市向上，美國大興土木搞基建，人工加幅上升，全民就業，海外資金萬劍歸宗，美債轉為高息，美金轉強，全球再以美國馬首是瞻。美債息高企，全球低回報資產PK，美元轉強，美金計價資產要跌價(除非有極強需求)。
Trump 一臉樣衰又痴線，但如果佢可以做到上述幾點，將一躍成為美國史上其中一位最出色既總統。所以美國股市下滑Trump 咁緊張，幾個策略環環相扣，股市大跌下有機會阻礙其他行動。
今年喺呢個背景下，投資要非常小心:
美股市: 喺上述條件下，政府唔想美股大跌，但債息上升過快下，以及QE泡沫下拆倉都有機令股市大調整甚至入熊。好矛盾，但真係發生緊。如果股市入熊, 無傷到經濟元氣，縮表加息強美元應該會繼續正常推進。
A股: 無產生大牛，中央極度關注槓桿問題, 以及嚴防走資，應該係全世界最封閉及今年最安全的股市。唔踩中地雷就OK。
港股市: 比美國狂抽水走，而喺美債息上升之下，資產要求提高，波動市免不了，甚至係跟隨美股進入熊市。低息高債REIT 開始要小心。
港樓市︰需求極為強大，緩慢加息下照理不會點跌。背景係加息到2.5%, 美元上漲下通漲保持2.5%, 剛好係一個balance 狀態，同前幾年的實質負利率環璄有點不同。大升難點, 不過1000萬樓升5%都有50萬, 加埋leverage 咁就500萬賺50萬。仍然係令人O咀狀態。
大陸樓市: 1線城市平穩, 3-4線城市繼續唔洗睇。要留意既係1線城市週邊啲2線，會好似香港發展沙田荃灣咁慢慢跟上。受美國大動作影響細。
日本樓市: 日本經濟好轉中，抽走美元似乎對日本樓影響相對細。yen 暫時強勁，睇下之後美元會否突然轉強，否則日本樓在yen 上升及需求平穩中會緩緩前進。
比特幣: 暫時覺得會特立獨行。
以上只係宏觀經濟的梳理，根據經驗通常都錯 XD，我既投資決定亦好需要micro 咁逐單deal 計算，所以以上為得個知字啦。
訂閱：
文章 (Atom)