病完又病

上月飛完福岡，連福岡遊既分享都未完成，跟住就出差去左成都，然後又不停上落深圳，下星期又飛......

未結婚前我幾享受呢種飛黎飛去的刺激同體驗，人大左真係想匿喺屋企，陪下家人，享受下若無閒事掛心頭既寧靜。

飛黎飛去已經夠忙，然後阿仔突然發燒，燒左1個星期都未好，真係嚇死我! 阿仔9個幾月大一直以食得瞓得強壯見稱，呢次竟然病到入左院。T_T 真係寧願係自己病...

然後因為夜晚照顧阿仔太辛勞，我都病埋 (開口中)，而阿仔出院後竟又再發過燒...... 平日負責照顧阿B的婆婆又病埋，得返太太死頂照顧小孩。想點，一個星期成村人病曬......

呢個幾星期完全無心情理股市及理財，若無身體健康呢個"1"，後面有幾多個"0"又有咩用...?

天氣勁熱，香港室內冷氣又勁凍，加上惡菌横行，大家小心身子!