克羅地亞今年的賽事我全部看了，甚有黑馬本色。
中場摩廸，大熟大勇。沙維退休後，最強既中場指揮官其實係佢。為人低調，外表平實，但腳下功夫同閱讀球賽能力真係不得了。睇佢踼波，幾下控球同傳送就梳理好克軍中場，真係超曬班。皇馬呢幾年係靠佢稱霸歐洲，多過C朗。
拉傑廸，摩廸身旁最好拍檔。佢型仔過摩廸好多，跑動範圍大，大心臟，可以校炮，比直線或遠射，重有少少帶波推進能力，非常全面。喺巴塞其實佢係小數接近打足全部賽事既球員，可見其重要性。
仲有個國米波素域，大家可能聽都未聽過，但佢每場既活動範圍超大，解放左拉傑廸同摩廸既防守任務，佢就好似巴西既卡斯米路咁，無左佢中後場運轉會有好大問題。
前場文素基治+列比鍚，實而不華。31歲文素基治喺祖記可以站穩陣腳，列比鍚就今年狀態顛峰，2個月前曾喺盃賽2球射爆拜仁。
後防差左啲, 洛夫雲有睇英超都知咩料...... 英格蘭1-2下突擊有機會刺穿防線。
唔係講笑，我覺得決賽係克羅地亞對比利時，今年會有第9個國家拎到世界盃!
想問Blog 主平時踢波，比較勝任那個位置。。。決賽是法國vs克羅地亞。也祝後者再踏進一大步。。其實再細心看其處理罰球，都是有細心安排。。非常有紀律。此点財自Blog友最難學上乘功夫。足球迷
回覆刪除我踢攻中位置的，嗰個年代最吸引人係10號位，當然揀嗰個位置黎踢啦 HAHA
刪除克羅地亞雖敗猶榮~! 亦恭喜法國開始新既黃金一代 (雖然我唔認為可以長久)