問世間情是何物

最近家中小妹陷入感情煩惱。與拍拖6年男友太平淡，同時外間誘惑多，以為自己卜卜脆，多人追，所以想分手。

想當年自己都係一樣情況，年輕感情事，實在不好說。外面花花世界，The best is yet to come 夠曬juicy, 夠曬燃燒青春，正呀!

不過經過結婚生仔的洗禮，我依家會同佢講，唔好分。佢男友風趣有才華，EQ高，明顯愛你多於一切。大家溝通到，價值觀相近，仲有咩係人生流流長你需要而未比到你? 相信只係刺激同對未來無盡既幻想。

要講既都講左，另引用一典故希望佢睇到，諗清楚︰

柏拉圖有一天問老師蘇格拉底什麼是愛情？

蘇格拉底叫他到花田走一次，要不回頭地走，在途中要摘一朵最美麗的花，但只可以摘一次，柏拉圖覺得很容易，充滿信心地出去。

過了半天，柏拉圖兩手空空，垂頭喪氣說：「很難得看見一朵不錯的，卻不知是不是最好，因為只可以摘一次，只好放棄。沿途一直走，一直找，很快天已黑，才發覺手上一朵花也沒有。」

蘇格拉底告訴他：「那就是愛情。」

不過講就易，局中人，連阿媽都唔理，點會理蘇格拉底...? 祝願有情人終成眷屬。

*****************
恒指破底又破底，我策略不變，建立炒倉中，然後逐步投入MPF。

現時, 炒倉已90%持倉，MPF 亦在上星期尾投入60%，收息倉繼續100% 持股。

補充一句，後備資金仲有太太啲儲蓄。佢既資金永遠都賺最多，因為只會係血流成河時先會入場。睇下今次有冇咁既機會。