總網頁瀏覽量

2019年11月19日 星期二

三則瑣事有感

風雨飄搖的日子, 每日的新聞已經夠沉重了, 事件亦不會在短時間完全平熄, 談點別的, 不算輕鬆, 至少不要沉重如斯。

最近在密密處理創業的事, 開始見各色各樣人, 其中幾件事, 值得分享一下。

********
井底之蛙

最近跟一位客戶吃飯吹水, 飲左一支威士忌非常之正, 客戶買的時候都要2千幾一支,心中都暗暗唔好意思, 佢出豉油又出雞, 其實我辭職後真係無咩野可以再幫到佢忙。

之後, 酒酣飯飽, 支靚威亦清剩1/3。客戶有點不捨, 即刻打去問熟店有冇多支可以留比佢。竟然收到訊息話呢支野升到$4000。我更為尷尬... 死火, 飲左人咁多靚野點搞好, 同埋香港亂世中, 唔好亂洗錢啦。點知客戶爽快之極, 「留2支比我!!」

呢件事令我諗起多年前賣一個樓盤之時, 有位客人抽到900萬的3房單位, 覺得好抵, 尖叫左出黎, 重懇請我可唔可以問問老細, 留多一間比佢的故事一樣。

唔係未見過有錢人, 但每當佢地這麼近時, 都令我覺得自己很井底, 貽笑大方了。

********
台灣仔

有一晚跟生意伙伴及其他朋友聚會, 其中一位年青才俊, 台灣出身, 國外讀書, 內地工作及生活十多年, 談吐有著台灣人的隨和。我對台灣人有絶對的好感,在那邊作過實習生, 亦有幾位好朋友都是台灣人。原以為跟才俊會很聊得來,誰不知一加微信, 看到一個不熟悉的黨派名字 - 新黨, 已有點心知不妙。

即刻去個廁所, wiki一下, 只能長嘆一聲, 原來係專門負責兩岸和平統一的, 政治經濟的確很難分離, 真的是晚上食個飯都不能讓人安寧片刻。

********
炒大鑊

有一晚同拍檔傾起生意前景, 我非常堅持新的生意模式計唔掂盤數, 佢非常堅持互聯網生意係一定計唔到條數, 爭論左一鑊勁既。

我有點被說服, 因為我係受傳統生意模式洗腦的人, 諗曬全部出入貨成本, margin稅務等等等。但互聯網模式係你掂就user number 急速上升, 唔得就係無流量無增長。要去估算revenue/expense 等係無從估計, 或者係個range 會大到得人驚, 估黎都無用。

我拗唔過拍檔, 死死氣被說服繼續努力, 如果有人可以分享一下互聯網模式的生意的預測模式, 我會非常感謝。吸多啲知識再去同拍檔爭論過。

(止凡前輩近日的文章標題亦是小事三則, 並非純屬巧合, 是沒有靈感下抄考了標題, 希望前輩不介意)

9 則留言:

  1. 如果有人可以分享一下互聯網模式的生意的預測模式, 我會非常感謝。

    // 唔知唐兄的"業務"係做邊方面, 但呢3-5年來,都係TECH 比較吃香。
    而於生意的預測模式,可以好簡單咁講,其實天使輪投資者只要一個CONCEPT,例如UBER, 美團等等,CONCEPT 係"成立一個平台去解決買家與賣家的CONNECTION ISSUE

    跟住個平台SETUP 左之後就融第一舊錢俾FRIENDS & FAMILY (F&F),之後谷大個MAU (most active users), 而當中係唔會理costs, 即係直接講,輸爆廠係唔緊要,主要係有錢燒,有GIMMICK。

    再之後由A輪到C輪 (C輪估值都已經近USD 0.5B - 1B 左右),都係搵VC 去不斷投入去擴大個user base, 如果有錢賺就當然好,但絕對唔係stressing point.

    所以嘛, 如果做TECH 的話, 好簡單咁講, 只要有計谷大個USER BASE,係唔駛睇/好少睇個P/L, 而聯交所容許上市公司唔駛賺錢更是幫左呢班人一把。

    因為underlying 係講緊market penetration, 美團做例子,呢家由輸錢變QoQ profit, 就係要盡量搶USER BASE, 之後先慢慢juice the customer.

    所以傳統生意模式如果在TECH 方便係唔多WORK, 至於如果係做TRADING 的話,計數便計數吧,市場6倍P/E,NPAT X 6 = EV.

    回覆刪除
    回覆
    1. 非常感激小子兄!!你講既同拍檔講的好接近, 但有說服力好多, 亦係我第一次聽行內人講C輪的確實range 係幾多。

      //跟住個平台SETUP 左之後就融第一舊錢俾FRIENDS & FAMILY (F&F)//重有Foolish...haha

      Trading 係我做緊的其中一樣, 但今次辭職係搞tech 的, 黎緊搞好個platform 後再全力谷MAU

      你唔介意的話, 下次有事再請教你, 感謝!!

      刪除
    2. 唐兄太客氣,
      未敢自詡行內人, 其實又未必係FOOLISH.......香港人就係要太多已知的因素確定左先科水,再加上成日用買賣股票等等"收息"回報率去睇創業的回報,所以搞到唔係一個創業的土壤。

      Anyway,加油,想做便做, 對自己及家人負責任便OK。
      其實買樓炒股做生意理應係無conflict的。哈哈!

      刪除
    3. 是的, 香港人鐘意必勝, 又無收息呢個定海神針, 又無lead investor 的話唔好搞佢... 所以超人真係好勁, 咁老都可以做VC, 好多家族有錢都唔敢投

      炒股好影響心神, 所以呢段時間會少掂。買樓就無conflict, 不過無名無銀兩, 可能細隻工商物業會好啲

      刪除
  2. 到ROUND C 的時候....都已經可以ANYTIME 上岸,所以再深入D就唔多講了。

    回覆刪除
    回覆
    1. 短期做好product, 過左family and frds, 中期目標A輪先... 過左後未陣亡再諗了

      刪除
  3. 科技行業未做倒產品不嬲都係得個吹字,所以我地呢行特別多騙子。個人咁睇既,科技行業係靠眼光,好難話quantify所有嘢。不過,咩行業都好,都一定要有現金流。如果唔係,執苙都只係遲早既事。

    回覆刪除
    回覆
    1. 下次整左件product 出黎比機器人兄點評下~! 比啲意見 ^_^

      刪除