總網頁瀏覽量

2019年8月4日 星期日

亂世中辭職 - Now or Never

今日大家都應該唔想睇我既辭職文。可以的話, 其實我都唔想風大雨大的日子辭職。局勢如此, 但人生路仍然要行。深吸口氣, 繼續前進。

辭職其實已3星期,還要再等多段時間先可離職。內心深處仍然淆底, 巴不得辭職時間再次推遲, 好讓我再享受一下返工的不帶腦工作。

不過, 人生如果只是打工, 我會不甘心。我腦海中的理想工作狀態, 沒有爭取過, 我亦會不甘心。沒有試過盡全力一併, 我更加不甘心。

何況, 這次的辭職, 雖則倉卒, 但亦可說是十年來的計劃。畢業出來, 定下計劃, 5年學習大公司運作及混熟一個行業, 再5年時間考牌, 有自己的小公司, 及有機會飛黎飛去工作。這2個5年計劃一一實現,那之後呢? 一眨眼, 發現畢業時定的藍圖原來已走到盡頭, 然後發現沒有了然後。

用了整整一年的時間沉澱, 亦差點因為母親身體健康的原因擱置計劃,忽然驚覺, 現在不做, 以後都不會有機會!

Now - :
1. 工作上有牌照, 還有體力精力, 有信心找回差不多職位但可能人工減20%的工作。
2. 小孩快2歲, 時間多回了一點, 又未有第二個小孩
3. 太太是強力的臂彎, 只靠佢份糧暫時都夠食。(開始食軟飯生涯 哈哈)
4. 有少量的小生意及被動收入,夠供樓比父母家用, 唔夠養小孩及太太
5. 淨資產達到了原先設定的數字... 再沒有借口不去搏 (唔係炫耀... 香港的資產價格真係痴線)
6. 4大長老還有行動能力, 自己還未需要去每日陪伴他們
7. 工作上真係覺得好濕9...... 如果要繼續濕9 20年, 我寧願.... 寧願失敗左一年後再濕9過...

or Never - :
1. 跟生意拍檔有個想法, 很想去試一下。拍檔已用一年時間打好基礎, 我過去就是幫手執行了! 錯過了這個想法, 我怕沒有下次
2. 打2份工時間真的不夠用,結果是2邊工作都做不好。如果創業不成功, 我會賣掉小生意, 今後20年會乖乖在辦公室裏效力
3. 我現在買不到的樓、車及包包,再打工10年也買不到 (或者根本不敢買)。我現在喜歡吃的食物, 不打工也大約能買到。輸有定數, 而upside no limit, 我認為值得用一生一併。
4. 朱克伯格說過: 他的爸爸是牙醫, 他畢業後不用為創業失敗而承擔家庭的財政責任,他認為這樣的條件本身是一個privilege。我現在這一刻有這個privilege, 我想好好利用。
5. 專業方面, 學得差不多。想有個機會去學第二門學問, 沒有什麼比每天浸淫在新知識裏學得更快。

就這樣。祝福香港之餘也祝福自己。

唐樓仔, 不成功, 便成仁, 立帖為證。

14 則留言:

  1. 唐兄已經有一定的財務底子, 相信在創業路上有一定的防守力。加油!

    回覆刪除
    回覆
    1. 其實弱不襟風, 如果股樓齊挫, 因為無力加注溝淡, 就即刻會感受到危機了
      惟有逼自己行快啲!

      刪除
  2. 我同你差唔多情況,人生去到某個位,買唔起的再打十年工都買唔起;買到的唔再打工都可以隨便買。既然人生只有一次,又做好最壞準備咁不妨試一試行第二條路,無論如何都叫做試左唔好等第日七老八十先黎後悔呢。

    祝一切順利。

    回覆刪除
    回覆
    1. Yan 兄, 謝謝祝福, 我覺得好多人都會面對呢個交叉點, 走出comfort zone, 挑戰下自己, 沿路風光都算係得著既 :D 共勉之

      刪除
  3. 回覆
    1. 謝謝星尼師妹~! 不用respect 咁誇張, 可能下年就寫文話揾工困難...

      刪除
  4. 回覆
    1. 謝謝分析師師兄, 會努力的, 黎緊一年除非有極高或低位出位, 否則會少掂股市了

      刪除
  5. 呢句真係好真實:工作上真係覺得好濕9...... 如果要繼續濕9 20年, 我寧願.... 寧願失敗左一年後再濕9過...,我相信我沒有你的毅力和膽量,但我也祝你成功,能見到有人在為夢想追逐,這是一件好幸福的事~~~~~~~~~~~~

    回覆刪除
    回覆
    1. 是的, 我也感恩了很多次有這麼珍貴的機會。可以在中年嘗試追夢, 是很奢侈的事。謝謝Oscar 兄的祝福!

      刪除
  6. 計好數就努力拼吧!加油!

    回覆刪除
    回覆
    1. 是的, 所有都係假, 自己努力揾生意最真

      刪除