總網頁瀏覽量

2020年2月13日 星期四

打自己工的苦與樂

忙完一大輪office set up,新年前後跑數,終於有時間靜落黎沉澱下這1個半月以黎發生的事。

上年辭職時,已將反送中的社會運動影響計算在內,左計右計,又點會諗到瘟疫重臨咁大鑊。

當1月中知道武漢肺炎大舉殺境時,心諗今翅XX鳥時,1月的營業額卻是穩穩當當,同以前一路做開其實差不多。到2月初大家都宅在家中不消費時,營業額竟然不跌反升!

左度右度,有時都不如test 下個market 咁有用。充滿焦慮,解決不了問題,反而實在地找著市場痛點去做,一方面令我無時間去焦慮,又有機會打個逆境Ace 波,這是我最深刻的感受。

當然,以上是說著漂亮,其實好幾晚半夜瞓醒,都緊張到不能入睡,始終無左份正職,不是月尾就有錢自動飛入袋,公司賺到的亦計劃大部份再投入公司,咁上有老,下有嫩,點會唔緊張!?

再諗多一層,卻又滿是感恩,自己製造的這個gap year,無論天時地利人和,都只能是這一刻。上年如無決心去做,今年更沒有可能會裸辭。今年不裸辭,之後一世都不會做了。

思緒萬千,日日在腦海裏碰撞。其實所有事情都只係開始,計劃都未實行1成,但每日所經歷已好充實,又過癮又辛苦又刺激又緊張。

另外,買回了一部份使用時間的彈性,暫時仍未好習慣,有時賦閒在家就諗,係咪未夠勤力,要再做多啲野? 仍在摸索...

******************
上篇「熊市轉勢?」出完後,股市立即大挫特挫,我正式成為超級燈神。

今次再講明只係估下個市,我認為上月的最高位29174 有排都返唔到去了... 咁快轉駄? 是的,原本「熊市轉勢?」都只係疑問句而已...

操作上我仍是偏保守的打法,收息倉70%, 20%炒倉, 10%現金, MPF 9成現金。當然了,炒股已變成我生活上佔極少時間關心的事,實際操作亦Taken into account主動收入急降這個因素。只係做個紀錄,各位看倌看看便算。

2 則留言:

  1. 其实去年年尾大家都已經知道大陸多人感染肺炎, 没想到疫情來勢洶洶, 新年後更有部分國內城市封關, 這些都是大家此料不及。

    "...營業額竟然不跌反升..." 是一個很好的開始, 唐兄加油!

    回覆刪除
    回覆
    1. 謝謝斗滿兄, 我也覺得是好開始, 現在展望3月了。

      在經濟困難中, 永遠是公司成長的最好時機。希望我也能做到!

      刪除